Bir derbi ilə iki hədəf: "Beşiktaş"ın prezidenti və baş məqçisi istefa verəcək

Türkiyə kubokunun yarımfinal mərhələsi çərçivəsində keçirilən “Fənərbaxça” – “Beşiktaş” oyununda başından ağır zədə alan baş məşqi Şenol Güneş klubun prezidenti Fikret Ormanla görüşüb.

Publika.az xəbər verir ki, təcrübəli məşqçi ağır şərtlər altında vəzifəsinə davam edə bilməyəcəyini deyib.

“Türkiyə futbolu çirkləndi. Artıq belə bir quruluşun parçası olmaq istəmirəm. Haqlı ikən haqsız vəziyyətə salmağa çalışdılar. Liqanın vəziyyəti nə olursa-olsun, belə şərtlər altında işləyə bilmərəm. Bu, həm özümə, həm də sizə haqsızlıq olar”-, Güneş qeyd edib.

Prezident F.Orman isə baş məşqçi sakitləşdirməyə çalışıb:

“Tələsik hərəkət etsək, yanlış qərar verə bilərik. Mövsüm bitsin, hər şeyi masada müzakirə edərik. Mənim üçün də inzibati və rəhbərlik məsələlərində ciddi problemlər yaranıb”.

Təcrübəli məşqçi Super Liqanın 31-ci həftəsində “Qalatasaray” ilə görüşdən öncə verdiyi açıqlamalarda klubdan ayrılacağı iddialarını cavabsız qoymuşdu. Lakin derbidən sonra kədərli görüntüləri baş məşqçinin postundan gedəcəyi iddialarını gücləndirib.

Zümrüd