• USD 1,7000 0,00% EUR 1,9899 +0,02%
    • GBP 2,1973 +0,26% RUB 0,0218 0,00%

Azərbaycan idmançısı beynəlxalq turnirdə qızıl medal qazandı

  • İdman
  • 28 Oktyabr 2019 08:30
Azərbaycan idmançısı beynəlxalq turnirdə qızıl medal qazandı

Sablya üzrə Azərbaycan milli komandasının lideri Anna Başta Gürcüstanın paytaxtı Tbilisi şəhərində keçirilən “Satellite” seriyalı beynəlxalq turnirdə qızıl medal qazanıb.

Azərbaycan Qılıncoynatma Federasiyasından Publika.az-a verilən məlumata görə, qrup mərhələsini 5 qələbə ilə başa vuran Anna, 1/8 finalda tunisli Ben Çaabane Amiraya 15:4 hesabı ilə qalib gəlib.

Başta 1/4-də Özbəkistan idmançısı Paola Pliegonu 15:5 hesabı ilə məğlub edib. Yarımfinalda Türkiyə təmsilçisi İrina Şçukla üzərində 15:10 hesablı qalibiyyət əldə edən Anna finalda Teodara Kaxianini (Gürcüstan) 15:12 hesabı ilə üstələyib.

Digər sablyaçılamızdan Səbinə Kərimova, Sevil Bünyatova və Valeriya Bolşakova qrup mərhələsini asanlıqla adlayıb. Sevil qrupda 5, Səbinə və Valeriya isə 4 qələbə qazanıb. Valeriya Bolşakova 1/8 finalda Teodara Kaxianiyə 12:15 hesabı ilə uduzub. Səbinə Kərimova isə bu mərhələdə türkiyəli sablyaçı Kose Fatma Zəhraya 11:15 hesabı ilə məğlub olub. Sevilya Bünyatova 1/8-də Paola Pliego ilə görüşü 9:15 hesabı ilə geridə bitirib. Qrup mərhələsini 1 qələbə ilə başa vuran Aysel Əhədova isə mübarizəni erkən dayandırıb.
Kişi sablyaçıların şəxsi yarışında qrup mərhələsini 3 qələbə ilə bitirən Cavanşir Ağakişiyev 1/16 finalda Səudiyyə Ərəbistanı təmsilçisi Əli Əlhüseynə 6:15 hesabı ilə məğlub olub.

Halal Nemət

Xəbər lenti

DAHA ÇOX XƏBƏR