• USD 1,7000 0,00% EUR 1,9932 -0,15%
    • GBP 2,3252 -0,36% RUB 0,0234 0,00%

Azərbaycanın para-atletləri finala vəsiqə qazandılar - FOTO

Azərbaycanın para-atletləri finala vəsiqə qazandılar - FOTO

Azərbaycan Milli Paralimpiya Komandasının atletika idman növü üzrə təmsilçisi Yelena Çebanu Tokio-2020 Yay Paralimpiya Oyunlarında mübarizəyə uğurla başlayıb.

Bu barədə Publika.az-a Milli Paralimpiya Komitəsinə istinadən xəbər verir.

Məlumata görə, Yelena Çebanu (T13) 100 metr kateqoriyasında 12:16 saniyəlik nəticə göstərərək, final mərhələsinə vəsiqə qazanıb.

Atletika idman növü üzrə təmsilçisi Yuliya Yanovskaya da (T13) 100 metr kateqoriyasında 12:41 saniyəlik nəticə göstərərək final mərhələsinə vəsiqə qazanıb.

Eyni zamanda atletika idman növü üzrə təmsilçimiz Lamiyə Vəliyeva da (T13) 100 metr kateqoriyasında 12:09 saniyəlik nəticə göstərərək, final mərhələsinə vəsiqə qazanıb.

Güllə atıcılığı idman növü üzrə təmsilçimiz Yelena Taranova (P12 - 10 metr) təsnifat mərhələsində mübarizəni dayandırıb.

Bu gün 6 paralimpiyamız Tokio-2020 Yay Paralimpiya Oyunlarında mübarizə aparır. Bunların ikisi güllə atıcısı, biri üzgüçü, üçü isə atletdir.

Hazırda aktivində 9 qızıl və 4 bürünc medal olan Azərbaycan komandası medal sıralamasında 10-cu pillədə qərarlaşıb.

Halal Nemət

Xəbər lenti

DAHA ÇOX XƏBƏR