İdman

Ronaldo Özbəkistana "Salam" göndərdi - VİDEO

13 Yanvar 2023 00:40

Səudiyyə Ərəbistanının "Əl-Nəsr" futbol klubunun hücumçusu Kriştiano Ronaldo özbəkistanlı azarkeşlərinə salam göndərib.

Publika.az xəbər verir ki, portuqaliyalı futbolçunun özbəkistanlı komanda yoldaşı Cəloliddin Maşaripovla birgə çəkdiyi video sosial şəbəkələrdə yayılıb. O, videoda “Əssəlamu aleykum, Özbəkistan!” deyərək sevənlərinə salam göndərib.

Məlumat üçün bildirək ki, Ronaldo yanvarın 22-də Səudiyyə Ərəbistanı çempionatında ilk oyuna çıxacaq. Həmin gün rəqib “Əl-İstiqlal” komandası olacaq. Görüş Bakı vaxtı ilə saat 21:30-da başlanacaq.

O vaxta qədər portuqaliyalı hücumçuya İngiltərə Futbol Assosiasiyası tərəfindən noyabrda qoyulmuş iki oyunluq cəzanın müddəti başa çatacaq.

Qeyd edək ki, portuqaliyalı futbolçunun yeni klubunda illik qazancı maaş bonuslar da daxil olmaqla 200 milyon avro təşkil edir. Bu, həm də futbol tarixində ən böyük ən bahalı transferidir.