İdman

Pley-off başlayır

22 Avqust 2023 10:28

Bu gün UEFA Çempionlar Liqasında pley-off mərhələsi start götürəcək.

Publika.az xəbər verir ki, Azərbaycanın təmsilçisiz qaldığı qitənin ən nüfuzlu klub turnirində qrupa vəsiqə uğrunda mübarizənin ilk oyun günündə 3 görüş baş tutacaq.

Azərbaycanlı hücumçu Mahir Emrelinin klubu Zaqreb "Dinamo"sunu mübarizədən kənarlaşdıran Yunanıstan təmsilçisi AEK Belçikada "Antverpen"in qonağı olacaq.

II raundda "Qarabağ"ı mübarizədən kənarlaşdıran "Rakuv" isə Danimarkanın "Kopenhagen" komandasını qəbul edəcək.

Günün digər matçında isə "Reyncers" ilə PSV üz-üzə gələcək.

Qeyd edək ki, Çempionlar Liqasında pley-off mərhələsinin qalan oyunları sabah, cavab görüşləri isə 29-30 avqustda gerçəkləşəcək.

Çempionlar Liqası: pley-off mərhələsi
22 avqust

23:00 Antverpen (Belçika) - AEK (Yunanıstan)
23:00 Rakuv (Polşa) - Kopenhagen (Danimarka)
23:00 Reyncers (Şotlandiya) - PSV (Niderland)

Heybət