“Liverpul”un uşaq futbolundan qazandığı: Milyonlar əldə edirlər

“Liverpul” Akademiyasının direktoru Aleks İnqlethorp klubun gənclər işinə sərf etdiyi xərclərdən danışıb.

Publika.az xəbər verir ki, funksioner yatırımları artıqlaması ilə çıxartdıqlarını bildirib.

“Bəzi akademiyalar ildə 40 milyon funt sterlinq (46 milyon avro) xərcləyir. Biz təxminən 13 milyon funt sterlinq (15 milyon avro) xərcləyirik. Əgər 10 il ərzində 130 milyon funt sterlinq (152 milyon avro) haqqında düşünürsünüzsə, bu investisiyanın gəliri nədir? Biz təxminən 160 milyon funt-sterlinq (187 milyon avro) dəyərində akademiya istedadlarını satdıq.

Biz bunu araşdırdıq və hesab edirik ki, bu binada təxminən 300 milyon funt sterlinq (350 milyon avro) dəyərində istedad var. Əlbəttə, bu rəqəm dəyişə bilər, amma Carellaya baxın. O, bu mövsüm dördüncü mərkəz müdafiəçimizdir. Onun sayəsində klub ötən yay daha bir mərkəz müdafiəçisi ilə müqavilə bağlamalı olmadı. Bunu nə qədər qiymətləndirirsiniz?

Premyer Liqa komandasında bir oyunçunun qiyməti 15-25 milyon funt-sterlinq (17-30 milyon avro) arasındadır və Premyer Liqada orta əmək haqqı həftəlik 60.000 funt-sterlinqdir (70.000 avro). Deməli, skamyada oturan üç akademiya uşağınız varsa, bu, ildə təxminən 70 milyon funt-sterlinqə (81 milyon avro) qənaət deməkdir”, – İnqlethorpun sözlərini “The Telegraph” sitat gətirib.