İdman

ABŞ-ın bu şəhərinin açarları “Real”a verildi

6 Avqust 2024 13:06

Şarlotta (Şimali Karolina, ABŞ) Şəhər Şurası “Real”a şəhərin açarını təqdim edib.

Publika.az xəbər verir ki, bu barədə klubun saytı məlumat yayıb.

Tədbir Şarlotta-Meklenburq Hökumət Mərkəzində baş tutub. Mərasimdə "Real Madrid"in beynəlxalq institusional əlaqələr üzrə direktoru Emilio Butrageno, peşəkar futbol direktoru Santiaqo Solari və klubun keçmiş müdafiəçisi, braziliyalı Roberto Karlos iştirak edib.

Qonaqları mer vəzifəsini icra edən Dante Anderson qəbul edib.

Xatırladaq ki, “Real Madrid” avqustun 7-də Şarlottada “Çelsi” ilə yoldaşlıq oyunu keçirəcək. Bu qarşılaşma İspaniya klubu üçün yeni mövsüm ərəfəsində dördüncü olacaq. Madrid daha əvvəl iki yoldaşlıq oyununda “Milan” və “Barselona”ya uduzub, “Albasete” ilə oyunda qalib gəlib.

Madrid klubu yeni mövsümün ilk rəsmi matçını avqustun 14-də “Atalanta”ya qarşı keçirəcək. Bu, Avropa Superkuboku uğrunda oyun olacaq.