"Qarabağ" Tovuz səfərində

Bu gün Azərbaycan Premyer Liqasında 12-ci tura start veriləcək.

Publika.az xəbər verir ki, ilk gündə 2 matç keçiriləcək. Əvvəlcə "Turan Tovuz" öz meydanında son çempion "Qarabağ"la qarşılaşacaq. Oyun saat 18:30-da başlayacaq.

Hazırda turnir cədvəlində "Qarabağ" 27 xalla liderdir. "Turan Tovuz" ehtiyatda 1 oyunu olan Ağdam təmsilçisindən 3 xal geri qalaraq, 2-cidir.

Günün 2-ci görüşündə isə 3-cü yerdəki "Araz-Naxçıvan" 8-ci pillədəki "Neftçi" ilə üz-üzə gələcək. Oyun saat 20:30-da başlayacaq.

Qeyd edək ki, 12-ci turun digər görüşləri 2 və 3 noyabr tarixlərində keçiriləcək. Şənbə günü “Şamaxı” – “Zirə”ni qəbul edəcək. Son oyun günündə isə “Səbail” “Kəpəz”in, “Sabah” isə “Sumqayıt”ın qonağı olacaq.

Azərbaycan Premyer Liqası, 12-ci tur
1 noyabr
18:30. “Turan Tovuz” – “Qarabağ”
Hakimlər: Əliyar Ağayev, Zeynal Zeynalov, Akif Əmirəli, Əli Əliyev
Tovuz şəhər stadionu

20:30. “Neftçi” – “Araz-Naxçıvan”
Hakimlər: Rəşad Əhmədov, Kamran Bayramov, Müslüm Əliyev, Elvin Bayramov
"Neftçi Arena"

2 noyabr
15:00. “Şamaxı” – “Zirə”
Hakimlər: İnqilab Məmmədov, Namik Hüseynov, Rahil Ramazanov, Fərid Hacıyev
Şamaxı şəhər stadionu

3 noyabr
16:00. “Kəpəz” – “Səbail”
Hakimlər: Kamal Umudlu, Vüsal Məmmədov, Zöhrab Abbasov, Kamran Əliyev
Tovuz şəhər stadionu.

19:00. “Sumqayıt” – “Sabah”
Hakimlər: Rəvan Həmzəzadə, Cəmil Quliyev, Şirmamed Mamedov, Əkbər Əhmədov
Mehdi Hüseynzadə adına stadion.

Heybət