İran Türkiyəni yenə vurdu: NATO atəş açdı

Türkiyə Milli Müdafiə Nazirliyi Türkiyənin hava məkanını pozan İran ballistik raketinin ələ keçirildiyini bildirib.

Publika.az xəbər verir ki, raket NATO-nun Şərqi Aralıq dənizindəki hava hücumundan müdafiə qüvvələri tərəfindən məhv edilib və mülki şəxslər arasında potensial itkilərin qarşısını alıb. Bu, İranın Türkiyəyə doğru atdığı ikinci raketdir.

Türkiyə Milli Müdafiə Nazirliyinin rəsmi saytında bildirilir ki, "İrandan atılan və Türkiyə hava məkanına daxil olan ballistik sursat Şərqi Aralıq dənizində yerləşən NATO hava və raketdən müdafiə vasitələri tərəfindən zərərsizləşdirilib".

Nazirlikdən bildirilib ki, sursatın qalıqları Qaziantep əyalətindəki boş əraziyə düşüb və hadisə nəticəsində heç kim xəsarət almayıb.

Müdafiə Nazirliyi bildirib ki, "Türkiyə mehriban qonşuluq münasibətlərinə və regional sabitliyə böyük əhəmiyyət verir. Bununla belə, ərazimizə və hava məkanımıza qarşı hər hansı bir təhdidə qarşı bütün zəruri addımları qətiyyətlə və tərəddüd etmədən atacağımızı bir daha təkrarlayırıq". Ankara xüsusilə Türkiyənin xəbərdarlıqlarına əməl etməyin regional böhranın bütün tərəflərinin maraqlarına uyğun olduğunu bir daha vurğulayıb.

Bu hadisə, "Epik Qəzəb" əməliyyatının başlanmasından bəri Türkiyənin sərhədlərinin ikinci dəfə pozulmasıdır. Birinci dəfə 2 mart 2026-cı ildə İrandan atılan raket sərhəddəki Van əyalətinə düşmüşdü.

Tural