İdman

Krespo istefa verdi - Köməkçiləri də klubdan ayrıldı

10 Mart 2026 03:43

Martın 9-da Ernan Krespo “San Paulu”nun baş məşqçisi vəzifəsindən istefa verib.

Publika.az xəbər verir ki, argentinalı məşqçi 2025-ci ilin yayından bəri Braziliya klubunun sükanı arxasında idi.

Krespo əvvəllər 2021-ci ildə komandada səkkiz ay çalışıb. Bu müddət ərzində klub 53 matçda 24 qələbə qazanıb və 19 heç-heçə edib. Argentinalı məşqçinin rəhbərliyi altında “San Paulu” San Paulu Ştatı Çempionatının qalibi olub.

Komanda hazırda Braziliya Çempionatında əlavə göstəricilərə əsasən 4 oyunda 10 xal qazanaraq 2-ci yerdədir ki, bu da lider “Palmeiras”la eynidir.

"San Paul” bazar ertəsi günü baş məşqçi Kresponun istefasını elan edib. Onun köməkçiləri Xuan Branda və Viktor Lopes, fiziki hazırlıq məşqçiləri Federiko Martinetti və Leandro Paz, eləcə də qapıçı məşqçisi Qustavo Nepote də klubdan ayrılır.

Klubun açıqlamasında deyilir: “San Paulu” Ernan Krespoya və məşqçi heyətinə gələcək karyeralarında uğurlar arzulayır”.