Messinin "İnter Mayami"dəki gələcəyi necə olacaq?

"İnter Mayami"nin hücumçusu Lionel Messi müqaviləsi başa çatana qədər ABŞ komandasını tərk etmək niyyətində deyil.

Publika.az xəbər verir ki, bu barədə "talkSPORT" məlumat yayıb.

Forvardın MLS klubu ilə müqaviləsi 2025-ci il dekabrın 31-də başa çatır və bu zaman onun 39 yaşı tamam olacaq. Ehtimal edilirdi ki, müqavilənin müddəti başa çatdıqdan sonra Messi Florida təmsilçisindən ayrılaraq, "Barselona"ya qayıda bilər.

Mənbənin sözlərinə görə, futbolçunun ailəsi ABŞ-da yaşamaqdan məmnundur. Onlar Leonun 2026-cı ilin yayına qədər lazımi təcrübə keçmək və həmin il keçiriləcək dünya çempionatında Argentina millisi ilə oynamaq üçün Mayami komandasında oynamağa davam etməsini istəyirlər.

Qeyd edək ki, 37 yaşlı hücumçu 2023-cü ilin yayından "İnter Mayami"də çıxış edir və bu müddət ərzində 39 görüşdə 34 qol vurub və 18 məhsuldar ötürmə edib.

Noyabrın 10-da "İnter Mayami" MLS-in 1/8 final mərhələsində 3 oyunun nəticəsinə görə "Atlanta Yunayted"ə uduzaraq (1:2) turnirdəki çıxışını başa vurub.

Heybət