Kloppu təhqir edən hakim yenə qalmalla gündəmə gəldi: Avro-2024-də narkotik qəbul edib? - 18+ VİDEO

"Liverpul"u və sabiq baş məşqçisi Yürgen Kloppu təhqir edən hakim Devid Kut növbəti qalmaqalla üzləşib.

Publika.az "The Sun"a istinadən xəbər verir ki, onun 2024-cü il Avropa çempionatı zamanı narkotik maddə qəbul etdiyi görüntülər yayılıb. Videoda Kutun "ağ toz"u necə qəbul etdiyi əks olunub.

Görüntülərin VAR-a cavabdeh olduğu Avro-2024-ün 1/4 finalında İspaniya - Almaniya (2:1) matçının ertəsi, iyulun 6-da qeydə alındığı güman edilir. Kutun dostuna göndərdiyi videonun UEFA-nın turnir müddətində ayırdığı otel otağında çəkildiyi iddia edilir.

Xatırladaq ki, bir neçə gün öncə sosial şəbəkələrdə Devidin dostları ilə söhbətində “Liverpul”un keçmiş baş məşqçisi Yurgen Kloppu təhqir etdiyi və onu təkəbbürdə ittiham etdiyi video yayılıb. Daha sonra hakim bu səs yazısının həqiqiliyini təsdiqləyib. İngiltərədə hakimliyə nəzarət edən qurum PGMOL onu istintaqa qədər işindən uzaqlaşdırıb. UEFA-nın isə yaşanan hadisəyə görə Kutu ömürlük hakimlikdən uzaqlaşdıracağı bildirilir.

Heybət