Ona restoranında hücum etdilər: həddindən artıq sərxoş idilər - FOTO

Milli Hokkey Liqasının (NHL) bir sıra klublarının keçmiş hokkeyçisi Paul Bissonnette ailəvi restoranında baş verən insidentdə iştirakından danışıb.

Publika.az xəbər verir ki, bir qrup gənc oğlan onlara içki verməkdən imtina etdikləri üçün onunla mübahisəyə giriblər. Hokkeyçi iddia edir ki, ona 7 nəfər hücum edib. Onlardan 6-ı hüquq-mühafizə orqanları tərəfindən saxlanılıb.

“Həmin şəxslər həddindən artıq sərxoş idilər. Bədənlərində başqa hansı maddələrin ola biləcəyini dəqiq deyə bilmərəm. Mən bu şəxslərin davranışından son dərəcə qəzəblənirəm. İnların adlarının hallanmasını və əməllərinə görə cəzalandırılmasını istəyirəm.

Onların ailəvi restoranında davranışları tamamilə qəbuledilməz idi. Çünki imtinanı qəbul edə və vəziyyətlərinə nəzarət edə bilmədilər. Nəticədə üzümə bir neçə dəfə təpik vurdular. Amma xoşbəxtlikdən daha ağır nəticələri olmadı. Əlbəttə ki, mən bir neçə zərbəni qaçırdım, lakin onlar daha çoxunu aldılar”, – deyə Bissonnette “The Athletic”ə açıqlamasında bildirib.

Qetyd edək ki, Pol Bissonnette Milli Hokkey Liqası karyerasında 270 oyun keçirib.