Azərbaycanda bu dərmanlar satışdan çıxarıldı: Heyrətamiz səbəblər - FOTOLAR

Apteklərdə bir vaxtlar asanlıqla tapılan bəzi dərmanlar bu gün yoxa çıxıb. Xüsusən də ürək-damar xəstəliklləri və təzyiqdən əziyyət çəkən xəstələr üçün nəzərdə tutulmu. "Eskolan", "Rileys-Plyus", "Vozolip Genercon", “Tensikey Complex” və digər preparatları tapmaq artıq mümkün deyil. Hansı aptekə müraciət edilsə, cavab eynidir: “Artıq gəlmir”.

Bununla bağlı redaksiyamıza müraciət edən vətəndaşlar bildirirlər ki, illərlə istifadə etdikləri və orqanizmlərinin uyğunlaşdığı dərmanların səbəbsiz şəkildə apteklərdən yoxa çıxması onları çarəsiz vəziyyətdə qoyub. Onların sözlərinə görə, təklif edilən əvəzləyicilər həm bahadır, həm də əvvəlki dərmanlar qədər effekt vermir.

Maraqlıdır, bu dərmanlar niyə apteklərə gətirilmir?

Mövzu ilə bağlı Publika.az-ın suallarını cavablandıran Azərbaycan Həkimləri İctimai Birliyinin üzvü, ADU-nun dosenti, cərrah Ədalət Rüstəm bildirdi ki, qeyd edilən dərmanların apteklərdə tapılmamasının iki əsas səbəbi var:

“Birincisi, bəzi dərmanlar Rusiyadan gətirilirdi. Həmin preparatlar da Rusiyaya Avropa ölkələrindən daxil olurdu. Avropa ölkələrinin Rusiyaya tətbiq etdiyi sanksiyalar nəticəsində bu dərmanların tədarükü dayandırılıb. Bizim şirkətlərin həmin ölkələrlə birbaşa müqavilələrinin olmaması da idxalı çətinləşdirir”.

Ədalət Rüstəmin sözlərinə görə, bəzi dərmanlar süni qiymət artımı yaratmaq üçün qəsdən apteklərdən yığışdırılır:

“Bəzi şirkətlər dərmanları qiymətləri yüksəltmək məqsədilə qəsdən apteklərdən geri çəkir. Depolara göstəriş verilir ki, müəyyən preparatlar satışa çıxarılmasın. Bir müddət sonra isə həmin dərmanlar daha yüksək qiymətlə yenidən satışa təqdim olunur”.

Gülnar Süleymanova