İdman

Mbappe: Bu proses bitdi

23 Dekabr 2024 16:42

"Real"ın hücumçusu Kilian Mbappe La Liqanın 18-ci turunda "Sevilya" üzərində qələbədən (4:2) sonra hazırkı formasından danışıb.

Publika.az xəbər verir ki, o, bu sözləri deyib:

"Burada adaptasiyam bitdi. Baş məşqçi Karlo Ançelottinin dediyi kimi, getdikcə yaxşılaşıram. Amma daha çox şeyə qadir olduğumu bilirəm. Ayaqlarımda hələ də o "dəli" hissi var.

Özümü əla hiss edirəm. Federiko Valverde və mən birlikdə 2 gözəl qol vurduq. İlk yarıda bütün gücümüzü verdik. Davamlı hücumda oynadıq və çoxlu qollar vurduq. Məncə, azarkeşlər bu gün xoşbəxtdirlər.

Mən daha çox şeyə qadirəm. "Atletik"lə matçda dibinə vurdum. Amma bilirdim ki, bu köynəkdə oynayarkən əlimdə olan hər şeyi verməliyəm"

Qeyd edək ki, 26 yaşlı fransalı bu görüşdə hesabı açıb, həm də məhsuldar ötürmə edib.

Heybət