İdman
Sumqayıtda tarixi qələbə
“Sumqayıt” tarixində ilk dəfə “Simurq”a qalib gəlib.
Publika.az xəbər verir ki, Azərbaycan Premyer Liqasının 15-ci turunun 2:1 hesabı ilə nəticələnən oyununadək 11 dəfə qarşılaşan rəqiblərin görüşlərində sumqayıtlılar cəmi 1 xal qazanmışdı. 1 heç-heçə edib, 10 dəfə uduzan komanda 12-ci cəhddə sindromu qırıb.
Aqil Məmmədovun yetirmələri həm də mövsümdəki qələbəsiz oyunlar seriyasına son qoyub. Son 8 oyunda qələbə qazana bilməyən “Sumqayıt” 5-ci turun “Bakı” ilə səfər oyunundan sonra 2 heç-heçə edib, 6 məğlubiyyət almışdı. Sentyabrın 14-dəki qələbədən sonra növbəti uğuru 84 gün gözləmək lazım gəlib. Meydan sahiblərinə qələbə qazandıran qol yubiley xarakteri daşıyıb. Məhəmməd Qurbanov komandasının ev oyunlarında 50-ci qolunun müəllifi olub. Bu, komandanın öz meydanındakı 57-ci qarşılaşmasında qeydə alınıb.
Bundan başqa, qarşılaşma Azərbaycan millisinin sabiq futbolçusu Aleksandr Çertoqanov üçün də əlamətdar olub. 34 yaşlı yarımmüdafiəçi ölkə çempionatında 250-ci matçına çıxıb. Hazırda “Sumqayıt”ın şərəfini qoruyan milliləşən legioner Azərbaycan çempionatları tarixində 250 və daha çox oyun keçirən 41-ci futbolçu olub. Ukraynalı bu qədər çox oyun keçirən ilk legioner kimi də tarixə düşüb.
Yubileyi “Simurq”la qarşılaşmaya təsadüf edən yarımmüdafiəçi Premyer Liqada 2004/05 mövsümündə debüt edib. 250-yə 11-ci mövsümündə, 6-cı klubla çatan Çertoqanov bu görüşlərdə 6 qol vurub.
Mövsüm klub oyun qol
2004/05 Bakı 24 2
2005/06 Neftçi (Bakı) 25
2006/07 Neftçi (Bakı) 19
2007/08 Neftçi (Bakı) 22
2008/09 Simurq (Zaqatala) 9
2008/09 Neftçi (Bakı) 6
2009/10 İnter (Bakı) 25
2010/11 İnter (Bakı) 29 1
2011/12 Qəbələ 28 2
2012/13 Qəbələ 21 1
2013/14 Sumqayıt 31
2014/15 Sumqayıt 11
11 mövsüm 6 klub 250 oyun 6 qol
Qeyd edək ki, Azərbaycan çempionatlarının oyun sayında rekordçusu Mahmud Qurbanovdur. Onun hesabında 421 matç var.
-
Magazin100:50
Sabiq nazirin idmançı kürəkəninin bu görüntüləri gündəm oldu - VİDEO
-
Qoroskop00:20
Günün qoroskopu: ünvanınıza çox tənqid səslənəcək...
-
Nəqliyyat6 May 23:16
Bu yolda sürət həddi 20 km/saata endirildi
-
Magazin16 May 23:04
İllərlə küsülü olan Brilliant Dadaşova və Abbas Bağırovun rəqsi - VİDEO
-
Dünya6 May 21:33
HƏMAS-la İsrail atəşkəs barədə razılaşdı
-
Sosial6 May 21:23
Deyirlər ki, puluna görədir... - 17 yaşlı qızla nişanlanan 37 yaşlı kişinin anası DANIŞDI - VİDEO
-
İdman6 May 21:13
22 yaşlı idmançı faciəvi şəkildə öldü
-
Qoroskop6 May 21:05
Bürclərin ən zəhlətökən xüsusiyyətləri