İdman

Voyçek Şensninin seriyası qırıldı

6 Oktyabr 2025 16:32

“Barselona”nın polşalı qapıçısı Voyçek Şensni İspaniya çempionatında ilk dəfə məğlubiyyət yaşayıb.

Publika.az xəbər verir ki, La Liqanın 8-ci turunda səfərdə Kataloniya klubu “Sevilya”ya 1:4 hesabı ilə uduzub.

Şensni üçün bu, cari mövsümdə La Liqadakı ikinci oyun olub. Daha əvvəl o, qapıda olduğu görüşdə “Barselona” “Real Sosyedad”ı 2:1 hesabı ilə məğlub edib. Ötən mövsümdə debüt edən polşalı qolkiper La Liqada 15 matça çıxıb, 14 qələbə qazanıb və 1 dəfə heç-heçə oynayıb.

Qeyd edək ki, Şensni 2024-cü ilin oktyabrında “Barselona”ya qoşulub. Bu müddətdə o, bütün turnirlərdə 33 oyuna çıxıb, onların 14-də qapısını toxunulmaz saxlayıb. "Transfermarkt"ın məlumatına görə, futbolçunun bazar dəyəri 1 milyon avrodur. 35 yaşlı qapıçının klubla müqaviləsi 2027-ci ilin yayına qədər qüvvədədir.

Heybət