İdman

Qazax futbolçunun özündən çox anasından danışırlar: Elə bil 20 yaşı var - FOTOLAR

9 Oktyabr 2025 13:26

"Kayrat"ın 18 yaşlı qapıçısı Şerxan Kalmurza Çempionlar Liqasının oyunlarında "Sportinq" (1:4) və "Real"la (0:5) komandalarına qarşı meydana çıxıb.

Publika.az xəbər verir ki, Kalmurza turnirdə ümumilikdə doqquz qol buraxsa da, onun anası Saule Rabayeva oğlunun Avropanın ən güclü turnirindəki çıxışını sosial şəbəkədə tərifləyib. "Sən ən yaxşısan, oğlum! Sən mənim qürurumsan. Əlindən gələni etdin", - deyə o yazıb.

Qısa müddətdə Saulenin "Instagram" səhifəsində izləyici sayı 40 minə yaxınlaşıb. İstifadəçilərin çoxu onun Şerxanın anası olduğuna inana bilməyib və təəccüblərini şərhlərdə ifadə ediblər:

- "Dayan bir az! Bu, onun anasıdır"?
- "Heç vaxt inanmazdım, o, onun anası ola bilməz".
- "Ana çox gənc görünür. Elə bil 20 yaşı var, oğlu isə 18 yaşında".
- "Sadəcə inanılmaz"!

Publika.az