İnyesta Lamin Yamalın “Real Madrid” açıqlamasına belə reaksiya verdi

Andres İnyesta Lamin Yamalın “Real Madrid”lə bağlı sözlərinə münasibət bildirib. Bazar günü Madrid klubu La Liqanın 10-cu turu çərçivəsində “Barselona”nı qəbul edəcək.

Publika.az xəbər verir ki, kataloniyalı cinah oyunçusu Yamal “Real” haqda “Bəli, onlar aldadırlar və şikayət edirlər” demişdi.

Yamalın şərhləri ilə bağlı sualı cavablandıran İnyesta deyib ki, bunlar “klassikoya bir az ədviyyat qatan şərhlərdir”.

“Şərhdən asılı olmayaraq, möhtəşəm matç olacaq. Baxacağıq ki, necə olacaq. Oyunçular dediklərinə çox diqqət yetirirlər, xüsusən də belə matçlardan əvvəl. Düzünü desəm, xəbərləri çox izləmirəm.

Bəziləri bunun hər şeyi qızdırmaq üçün bir yol olduğunu söyləyəcək, bəziləri bunu bəyənməyəcək, amma əslində, vacib olan o 90 dəqiqə ərzində nə baş verdiyidir. “Klasiko” istənilən sözü üstələyir – istər oyunçu, istər prezident, istərsə də məşqçi olsun. Mənim üçün bu, mövcud olan ən böyük matçdır.

Əgər klub Yamalın səhv hərəkət etdiyini hiss edərsə, düşünürəm ki, bunu komanda daxilində müzakirə edəcəklər”, – “Barselona”nın keçmiş yarımmüdafiəçisi deyib.