İdman

Türkiyə futbolu mafiyanın cəngində: Hakimləri qadınların vasitəsi ilə...

4 Noyabr 2025 11:04

“Türkiyədə futbol hakimləri 10 il əvvəl mafiyanın tələsinə düşüblər”.

Publika.az xəbər verir ki, belə qalmaqallı açıqlama ilə keçmiş futbol hakimi, hazırda idman eksperti Əhməd Çakar "Beyaz futbol" verilişində çıxış edib.

O, xüsusilə bildirib ki, Türkiyədə bir mafiya qrupu müşayiət xidməti göstərməklə məşğul olan dörd çox gözəl qadın tapmağa nail olub. Onların futbol hakimləri ilə intim münasibəti olub və baş verənlər videoya çəkilib:

“Mafioz qrup dörd çox gözəl eskort qadın tapdı. Onlar hakimlərlə yaxın münasibətdə oldular, hər şeyi şəkil və videoya çəkdirdilər. Bu, o dövrün ən böyük şantaj planlarından biri idi”.

Onun sözlərinə görə, Bundan sonra təhdidlər, şantajlar başlayıb. Çakar bildirib ki, bunu Türkiyə idman tarixinin ən böyük cinayət epizodlarından biri hesab etmək olar. Ekspertin açıqlaması xüsusilə hazırda Türkiyədə müxtəlif hakimlər və futbolçulara qarşı bukmeker kontorları ilə bağlı araşdırmalara başlanıldığı vaxt aktualdır.

Heybət