Rusiya borc içində boğulur: Fantastik həddə yüksəldi

Ötən il Rusiyanın dövlət borcu 2024-cü illə müqayisədə 21 faiz artıb.

Publika.az xəbər verir ki, “RİA Novosti” Hesablama Palatasının məlumatlarına istinadən ölkənin öhdəliklərində kəskin artım olduğunu bildirib.

Hesabat dövründə Rusiyanın dövlət borcu 35,1 trilyon rubla çatıb. Lakin agentlik aydınlaşdırıb ki, bu müddət ərzində daxili və xarici borc fərqli dinamika nümayiş etdirib. Birincisi 29,1 faiz artaraq 30,7 trilyona çatıb, ikincisi isə əksinə, 15,4 faiz azalaraq 4,5 trilyona düşüb.

Beləliklə, öhdəliklərin böyük əksəriyyəti daxili kreditorlara borcdur. Hesablama Palatasının məlumatına görə, 2026-cı ilin əvvəlinə qədər Rusiyanın daxili və xarici dövlət borcu, eləcə də dövlət zəmanəti altında borc üçün müəyyən edilmiş limitlər aşılmamışdı.

Lakin Rusiyanın xarici dövlət borcu da bu ilin əvvəlində kəskin şəkildə artmağa başladı. Maliyyə Nazirliyinin məlumatına görə, fevralın əvvəlində bu, 20 illik maksimuma - 61,97 milyard dollara çatıb.

Mərkəzi Bank bu artımı rublun möhkəmlənməsi və borc maliyyələşdirməsinin cəlb edilməsi ilə əlaqələndirib.

Tural