Runi birdən-birə varlandı: Bu necə baş verdi?

“Mançester Yunayted” və İngiltərə millisinin əfsanəsi Ueyn Runi Böyük Britaniyanın Vergi və Gömrük Administrasiyasından (HMRC) təxminən 800 000 funt sterlinq təzminat alacaq.

Publika.az xəbər verir ki, bu, onun imic hüquqlarını idarə edən şirkətin ləğvi nəticəsində mümkün olub.

“The Sun” qəzetinin məlumatına görə, bu prosesdən ümumi gəlir 22,5 milyon funt təşkil edəcək və nəticədə Runinin sərvəti 170 milyon funtadək yüksələcək.

Runi “Yunayted”in tarixində ən çox qol vuran futbolçudur. 559 matçda 253 qol, həmçinin İngiltərə millisində əvvəlki rekordun sahibidir - 120 oyunda 53 qol.

O, karyerasına “Everton”da başlayıb, 2004-cü ildə 27 milyon funt qarşılığında “Yunayted”ə keçib və 13 il ərzində bütün əsas klub titulunu qazanıb, o cümlədən Çempionlar Liqası və beş Premyer Liqa titulu.

Karyerasını bitirdikdən sonra Runi “Derbi Kaunti”, “Birmingem” və “Plimut” klublarını çalışdırsa da, uğur qazana bilməyib. Hazırda o, futbol ekspertidir. Onun sərvəti həftədə 300 000 funtadək olan maaş, "Nike", "Coca-Cola" və "EA Sports" ilə reklam müqavilələri sayəsində formalaşıb.

Heybət