Levandovski qışda “Barselona”dan ayrılır? - Rəsmi açıqlama
Bizi izləyin
Aptekonline

İdman

Levandovski qışda “Barselona”dan ayrılır? - Rəsmi açıqlama

“Barselona”nın hücumçusu Robert Levandovski qışda klubu tərk etməyi planlaşdırmır.

Publika.az xəbər verir ki, bu barədə “Sky.de” məlumat yayıb.

Polşalı forvard qış transfer pəncərəsi zamanı yeni komanda axtarmaq fikrində deyil. Futbolçunun agenti Pini Zahavi Levandovskinin karyeranı bitirəcəyi ilə bağlı xəbərləri təkzib edib.

“Onun istisna hücumçu olduğunu hamı bilir. Amma onun gələcəyi və ya “Barselona” ilə yeni müqavilə barədə hələlik heç bir yenilik yoxdur”, – deyə Zahavi bildirib.

Levandovskinin katalon klubuyla müqaviləsi 2026-cı ilin iyununda başa çatır. Buna görə də 37 yaşlı hücumçu yaxın vaxtlarda digər klublarla rəsmi danışıqlara başlaya bilər.

Bu mövsüm Levandovski “Barselona”nın heyətində bütün turnirlərdə 9 oyuna çıxıb və 4 qola imza atıb.

Oxumağa davam et
Reklam
Reklam

Gündəm

Aptekonline