Dünya

"Bomj" sərnişinlərlə dolu avtobusu oğurladı və...

15 Noyabr 2025 07:15

Kanadada evsiz bir kişi sərnişinlərlə dolu avtobusu oğurlayıb və onları 15 dəqiqə şəhərdə gəzdirib.

Publika.az xəbər verir ki, bu barədə polisə istinadən "National Post" qəzeti məlumat yayıb.

Hadisə 11 noyabr çərşənbə axşamı Hamiltonda baş verib. Sürücü qısa müddətə avtobusdan düşüb, bu zamanda bir kişi fürsətdən istifadə edərək avtobusu oğurlayıb.

Polis qarlı küçələrdə qəza törətməmək üçün avtobusu təqib etmək əvəzinə, onu nəqliyyatda izləməyə üstünlük verib.

Bu vaxt oğru avtobus dayanacağından təxminən on nəfəri götürərək onları "gəzintiyə çıxarıb". Təxminən 15 dəqiqədən sonra polis nəhayət kişini avtobusu saxlamağa məcbur edib və onu zorla nəqliyyat vasitəsindən çıxarıb.

Oğrunun bir neçə dəfə məhkum olmuş "bomj" olduğu üzə çıxıb. Onun avtobusu oğurlamasının səbəbi isə məlum deyil.

Ləman