İdman

Mbappe Bakıya gəlməmək üçün zədə uydurub?

15 Noyabr 2025 14:30

Fransa millisinin sabiq yarımmüdafiəçisi Jerom Roten federasiyanı Kilian Mbappeni Azərbaycanla dünya çempionatının seçmə mərhələsi çərçivəsində (16 noyabr) topuğundan zədə almasını əsas gətirərək komandadan buraxmaq qərarını pisləyib.

Publika.az xəbər verir ki, Rotenin sözlərini “Mundo Deportivo” sitat gətirib:

“Ukrayna ilə matçın 80-ci dəqiqəsində özümüzə sual verdik ki, biz 4:0 hesabı ilə öndəyik, Bakıya getməmək üçün kim zədə uydura bilər?

Mbappe Fransa millisinin kapitanıdır, ona xüsusi münasibət var, tamam, amma komanda yoldaşları var. Doğrudanmı, Bakıya gedən, il boyu Mbappedən daha çox oynayan hər kəsin yorulmadığını və bu əhəmiyyətsiz matçda oynamaq həvəsində olmadığını düşünürsünüz? Xeyr. Amma məcbur olduqları üçün gedirlər.

Nə qədər ki, qalib gəlirsən, heç kim heç nə demir. Belə qərarlar qəbul etmək paltardəyişmə otağında problemlərə səbəb ola bilər və mən hələ də əminəm ki, Mbappeyə bu xoş münasibətdən bezmiş oyunçular var”.