Argentina Messi üçün necə oynadısa, Braziliyada da Neymar üçün elə oynamalıdır

Kazemiro Argentinanın DÇ-2022-də Lionel Messidən istifadə etdiyi kimi Braziliya millisində Neymardan istifadə edilməsini istəyir.

Publika.az xəbər verir ki, Kazemiro “Komanda taktiki cəhətdən Neymara uyğunlaşmalıdır?” sualına belə cavab verib:

“Əlbəttə. Argentina bunu Messi ilə etdi. Yenə deyirəm, bu üçü (Messi, Neymar və Ronaldo) dünyanın ən yaxşı oyunçularıdır. Neymarı meydana buraxıb belə oynaya bilərsiniz. O, sadəcə orada dayanacaq və biz qaçacağıq kimi olmayacaq, Argentina belə oynadı: Alvares dərinliyə getdi, Messi isə yalançı 9 nömrə kimi oynadı.

Komanda aşağı blokla müdafiə olundu və Messi öndə dayandı.

Belə oyunçuların məharəti danılmazdır və onu rədd etmək olmaz. Bu oyunçular sadəcə olaraq çox istedadlıdırlar. Müasir futbolda qələbə ilə məğlubiyyət arasındakı sərhəd o qədər incədir ki, onu aşa bilənlər də bu futbolçulardır. Məsələn, Xorvatiya ilə matçda Neymar müəyyən məqamda qol vuraraq komandanın problemini həll etdi. Oyun yaxşı getmədi, çətin idi, sonra o, gözəl qol vurdu”, – Kazemiro bildirib.