İngiltərə millisindən unikal nəticə: Bunu 71 il bacaran olmamışdı
Bizi izləyin
Aptekonline

İdman

İngiltərə millisindən unikal nəticə: Bunu 71 il bacaran olmamışdı

İngiltərə millisindən unikal nəticə: Bunu 71 il bacaran olmamışdı

İngiltərə futbol millisi 2026-cı il dünya çempionatının seçmə mərhələsinin qrup oyunlarını tarixindəki ən yaxşı nəticə ilə başa vurub.

Publika.az xəbər verir ki, bu barədə "OptaJoe" məlumat yayıb.

"Üçaslanlar" K qrupunda maksimum 24 mümkün xalın hamısını toplayaraq birinci yeri tutub və qapısından bir qol da buraxmayıb. Bu nəticə onlara mundiala birbaşa vəsiqə qazanmağa imkan verib.

Avropa seçmə mərhələsində belə nəticə sonuncu dəfə 1954-cü ildə təkrarlanmışdı. Həmin vaxt Yuqoslaviya 4 oyunluq seçmə mərhələni qol buraxmadan keçərək bütün görüşlərdə qalib gəlmişdi.

Bundan başqa, İngiltərə millisinin hazırda öz tarixinin ən uzun qələbə seriyası var – ardıcıl 11 rəsmi oyun.

Xatırladaq ki, bu ildən komandaya almaniyalı mütəxəssis Tomas Tuxel rəhbərlik edir. Onun rəhbərliyi altında İngiltərə yalnız bir dəfə – Seneqala qarşı yoldaşlıq görüşündə məğlub olub.

Heybət

Oxumağa davam et
Reklam
Reklam

Gündəm

Aptekonline