İdman

Qvardiola “Barsa”nın prezidenti olmaq istəyir?

17 Noyabr 2025 20:00

“Mançester Siti”nin baş məşqçisi Xosep Qvardiola klubun prezidenti kimi “Barselona”ya potensial qayıdışı ilə bağlı sualı cavablandırıb.

Publika.az xəbər verir ki, Kataloniya klubu ilə dərin əlaqələri olan məşqçi bu barədə RAC-yə danışıb.

“Barsa” unikaldır, çünki hər kəsin öz fikri var. Klub daxilindəki insanlar bütün ajiotajlara diqqət yetirməlidirlər. Buna görə də bu, dünyanın ən böyük klubudur və ən xüsusi klubdur – çünki hamı onu təmsil etmək istəyir. Mən “Barselona”nı rədd etmirəm – biz həmişə haradan başladığımızı xatırlayırıq. Amma qalstuk taxıb prezident postunda oturmaq? Xeyr, mən özümü orada görmürəm”, – Pep deyib.

Qvardiolanın “Barselona” ilə zəngin tarixi var. Futbolçu kimi 1990-2001-ci illərdə klubda çıxış edib. 2008-2012-ci illərdə baş məşqçi kimi əsas komandaya uğurla rəhbərlik edib.