PSJ “Atletiko”nun ulduzunu hədəfə aldı: Bu qədər xərci var

PSJ “Atletiko” klubunun hücumçusu Yulian Alvaresin transferini nəzərdən keçirir.

Publika.az xəbər verir ki, Paris təmsilçisinin baş məşqçisi Luis Enrike 25 yaşlı argentinalını komandanın hücum xətti üçün potensial gücləndirmə variantı kimi görür. Klub artıq bir neçə həftədir futbolçunun transfer imkanlarını öyrənir.

Qeyd olunur ki, futbolçunun özü də Enrikenin rəhbərliyi altında oynamaqda maraqlıdır. Bu barədə jurnalist Saşa Tavolyeri məlumat verib.

Yulian Alvareslə “Barselona” və İngiltərə Premyer Liqasının bir neçə klubu da maraqlanır. Lakin mövcud məlumata görə, Argentina millisinin dünya çempionu İngiltərəyə qayıtmaq variantını nəzərdən keçirmir. O, klublar arasında razılıq əldə olunduğu halda PSJ-yə keçməyə hazırdır.

“Atletiko” hücumçusunun transferi ilə bağlı təklifləri nəzərdən keçirməyə hazırdır və bunun üçün 120 milyon avro məbləğində təzminat müəyyən edib. Cari mövsümdə Alvares La Liqa çərçivəsində 12 oyun keçirib, 7 qol vurub və 2 qol ötürməsi edib.