İdman

Neymar zədəli deyil? - Atasından müəmmalı açıqlama

26 Noyabr 2025 16:14

"Santos"un və Braziliya yığmasının hücumçusu Neymarın atası Braziliya mediasında yayılan məlumatlara münasibət bildirib.

Publika.az xəbər verir ki, o, yayılan informasiyanı demək olar inkar edib:

"Onun zədəsi barədə heç nə bilmirik. Neymar tibbi müayinədən keçib, biz hələ də nəticələri gözləyirik. Bu absurddur. Biz buna fikir vermirik. Mən nəticələr olmadan necə cavab verə bilərəm? Elə görünür ki, siz məndən çox bilirsiniz. Bildiyim tək şey odur ki, o, narahatlıq hiss etdiyi üçün müayinədən keçib. Müayinə edilib, amma hələ məlumatım yoxdur, amma mətbuat nədənsə məndən və oğlumdan tez hərəkət edir".

Cari mövsümdə Neymar Braziliya çempionatında 17 oyunda 4 qol vurub. Onun klubla müqaviləsi ilin sonunda başa çatır.

Heybət