"Qarabağ"ın rəqibi ÇL tarixinin ən pis komandalarından biridir

"Ayaks" öz meydanında keçirilən Çempionlar Liqasının 5-ci turu matçında "Benfika"ya uduzduqdan sonra turnirin tarixində 5 turdan sonra ən zəif nəticə göstərən komandalar siyahısına düşüb.

Publika.az xəbər verir ki, Amsterdam klubu turnirdə hələ də xal qazana bilməyib və top fərqi 15-dir.

Çempionlar Liqasının tarixində 5 turdan sonra xal toplamayan, lakin daha pis top fərqinə malik cəmi üç komanda olub. Bunlar "Reyncers" (-18 - 2022/23, "Viktoria Plzen" (-17 - 2022/23) və "Anderlext" (-16 - 2017/18) olub.

Qeyd edək ki, "Ayaks" Azərbaycan Çempionlar Liqasındakı təmsilçisi "Qarabağ"ın rəqibidir. Bu komandalar dekabrın 10-da Bakıda üz-üzə gələcək.

Çempionlar Liqasının 5 turundan sonra ən zəif nəticə göstərən komandalar:

0 – Reyncers (2022/23), top fərqi: -18
0 – Viktoria Plzen (2022/23), top fərqi: -17
0 – Anderlext (2017/18), top fərqi: -16
0 – Ayaks (2025/26), top fərqi: -15
0 – Yanq Boyz (2024/25), top fərqi: -15
0 – Jilina (2010/11), top fərqi: -15
0 – Slovan (2024/25), top fərqi: -14
0 – Makkabi Təl-Əviv (2015/16), top fərqi: -14
0 – Bursaspor (2010/11), top fərqi: -14
0 – Levski Sofiya (2006/07), top fərqi: -14

Heybət