Konor Makqreqor İsa Məsihlə görüşdüyünü açıqladı

İki divizionda keçmiş UFC çempionu Konor Makqreqor Meksika klinikalarından birində müalicəsini başa vurduqdan sonra sosial mediaya qayıdıb.

Publika.az xəbər verir ki, irlandiyalı psixoloji travmanı aradan qaldırmaq üçün iboqain (şüur, qavrayış, düşüncə və ümumi zehni fəaliyyəti pozan psixodelik dərman) ilə müalicə aldığını açıqlayıb.

“Stenford Universitetində ən yenilikçi həkimlərdən bəziləri ilə görüşmək mənə xeyir-dua verdi. Bu, inanılmaz, gərgin və tamamilə gözləri açan idi. Mənə ölümümün necə ola biləcəyini, bunun nə qədər tez baş verə biləcəyini və bunun övladlarıma necə təsir edəcəyini göstərdilər.

Tanrı mənim yanıma “Müqəddəs Üçlük”lə gəldi. İsa göyün ağ mərmər pillələrindən enərək mənə tac qoydu. Mən xilas oldum!”, – bu barədə idmançı özünün sosial media hesabında yazıb.

Makqreqor 36 saat narkotikin təsiri altında olub, bundan sonra, “özü kimi oyanıb”. İrlandiyalı azarkeşlərinə dəstəklərinə görə təşəkkür edib və müalicənin həyatını xilas etdiyini bildirib.