“Dünyanın ən güclü qadını” kişi çıxdı - FOTO

Bioloji olaraq kişi olan idmançı “Dünyanın ən güclü qadını” titulundan məhrum edilib.

Publika.az xəbər verir ki, bu barədə “Daily Mail” məlumat yayıb.

28 yaşlı Ceymi Buker Teхas ştatının Arlinqton şəhərində keçirilən “Strongman Games” adlı qadın turnirində birinci yeri tutub. İkinci yerə Böyük Britaniyadan 43 yaşlı Andrea Tompson çıxıb. Yarış təşkilatçıları Bukerin bioloji olaraq kişi olduğunu yalnız turnir bitdikdən sonra öyrəndikləri üçün idmançını diskvalifikasiya ediblər.

Bəyanatda deyilir:

“Görünür, bioloji olaraq kişi olan və indi özünü qadın kimi müəyyən edən bir iştirakçı qadın kateqoriyasında çıxış edib. Stronqman təşkilatçıları bu faktı yarışlar başlamazdan əvvəl bilmirdilər. Bizə məlumat verildikdən sonra dərhal araşdırma başladıldı. İştirakçı ilə əlaqə saxlamağa çalışdıq, lakin cavab alamadıq. Əgər bunu əvvəldən bilsəydik və ya bu fakt yarışdan əvvəl və ya yarış zamanı bəyan edilsəydi, həmin idmançı qadın kateqoriyasına buraxılmazdı. İştirakçılar yalnız doğulduqları zaman göstərilən bioloji cinsə uyğun kateqoriyada yarışa bilərlər”.