İdman

Ekspertlər araşdırdı: "Qarabağ" üçün böyük fürsət - Rəqib Bakıya şanssız gəlir

27 Noyabr 2025 11:46

"Ayaks" Çempionlar Liqasının 5 turundan sonra Çempionlar Liqasında xalı olmayan yeganə komandadır.

Publika.az xəbər verir ki, Niderland klubu növbəti turda Azərbaycan çempionu "Qarabağ"ın qonağı olacaq. Amsterdamlılar Bakıya motivasiyasız və pley-off mərhələsinə vəsiqə şansı olmadan gələcəklər.

Bu barədə ekspertlər və analitiklər araşdırma aparıblar. Hesablamalara görə, ən azı 10 xal toplayacaq komanda "ilk 24-lük" uğrunda mübarizə apara bilər. "Ayaks" son 3 oyunda - "Qarabağ", "Vilyarreal" və "Olimpiakos" ilə görüşlərdə qələbə qazancağı təqdirdə maksimum 9 xal toplaya biləcək. Lakin təqvim və rəqiblərin oyunları üzrə aparılan araşdırmalar göstərir ki, komandanın belə şansı yoxdur.

Niderland təmsilçisindən fərqli olaraq. "Qarabağ"ın pley-off şansları kifayət qədər yüksəkdir. Hətta "Ayaks" üzərində Bakıda qazanılacaq qələbə Ağdam klubunun pley-offa yolunu aça bilər.

Qeyd edək ki, "Qarabağ" və "Ayaks" dekabrın 10-da Bakıda üz-üzə gələcək.

Heybət