"Qarabağ"a qol vuran futbolçu "Barselona"nın formasında: Gündəm oldu - FOTO

"Çelsi"nin ulduzu Estevao Uillian 2 il əvvəl “Palmeyras”ın gənclər komandasında çıxış edirdi, amma artıq gələcəyin ulduzu hesab olunurdu.

Publika.az xəbər verir ki, həmin vaxt ona "Barselona"da çıxış edən Pedrinin forması hədiyyə edilmişdi və yeniyetmə futbolçu həmin formanı əlində tutaraq sevinc içində şəkil çəkdirmişdi.

Bu şəkil illər sonra yenidən gündəm olub. Çünki Estevao Çempionlar Liqasında “Çelsi”yə “Barselona” üzərində 3:0 hesablı qələbə qazandırıb. O, görüşdə qol və assistə imza atıb. Həmçinin onun vaxtilə dediyi sözlər yada düşüb:

“Ən böyük arzum "Barselona"da oynamaqdır. Onların demək olar hər oyununa baxıram. Klubun azarkeşiyəm. Ümid edirəm ki, bir gün orada oynayacağam”.

“Barselona” onun istedadından xəbərdar idi, amma transferi reallaşdıra bilməyib. Buna səbəb maliyyə imkanlarının yetərsizliyi olub. Elə həmin mövqedə Lamin Yamal yüksəlişə keçib. Nəticədə katalonlar Estevaonun əvəzinə Vitor Rokeni transfer ediblər.

Qeyd edək ki, Estevao son zamanlar "Çelsi"də məhsuldar çıxış edir. Onun aktivində 5 qol var. Braziliyalı ulduz ÇL-in 4-cü turunda Bakıda keçirilən "Qarabağ"la görüşdə də (2:2) qol vurmağı bacarmıdı.

Heybət