İdman

Baş(çı)sız "Neftçi" Tovuz səfərində: 13-cü tur başlayır

28 Noyabr 2025 11:12

Bu gün Azərbaycan Premyer Liqasında 13-cü tura start veriləcək.

Publika.az xəbər verir ki, ilk gündə 2 oyun baş tutacaq.

Öncə “Kəpəz” “Zirə”ni qəbul edəcək. Gəncə təmsilçisi artıq ev oyunlarını Yevlaxda keçirməyə qərar verdiyi üçün, “Zirə”ni də məhz Yevlax şəhər stadionunda qəbul edəcək

Günün digər qarşılaşması “Turan Tovuz”la “Neftçi” arasında olacaq. Baş məşqçisiz qalmış və müvəqqəti Sənan Qurbanova tapşırılmış “ağ-qaralar” çətin səfərdən xalla qayıtmağa çalışacaq.

Qeyd edək ki, “İmişli” – ”Sabah” və “Qarabağ” – “Karvan-Yevlax” oyunları 29 noyabrda, “Şamaxı” – “Sumqayıt” və “Qəbələ” – “Araz-Naxçıvan” oyunları isə 30 noyabrda keçiriləcək.

Azərbaycan Premyer Liqası, 13-cü tur
28 noyabr

14:00 Kəpəz – Zirə
Hakimlər: Rəşad Əhmədov, Akif Əmirəli, Teymur Teymurov, İslam Məmmədov
Yevlax şəhər stadionu.

18:30 Turan Tovuz – Neftçi
Hakimlər: Fərid Hacıyev, Rəhman İmami, Müslüm Əliyev, Vüqar Həsənli
Tovuz şəhər stadionu.