İdman

Neymar əməliyyatdan niyə imtina edir?

28 Noyabr 2025 17:14

“Santos”un hücumçusu Neymar Braziliya çempionatında komandanın yaşamaq uğrunda mübarizəsinə kömək etmək üçün ağrılara baxmayaraq oynamağa hazırdır.

Publika.az xəbər verir ki, bu barədə ESPN məlumat yayıb.

Mənbənin sözlərinə görə, 33 yaşlı braziliyalının sol dizindəki menisk zədəsini müalicə etmək üçün artroskopik əməliyyata ehtiyac var. Amma o, bundan imtina edir.

Həkimlərin tövsiyələrinə baxmayaraq, "sambaçı" 26 noyabrda “Santos”la birgə məşqə çıxıb və 29 noyabrda “Sport Resifi”yə qarşı keçiriləcək çempionat oyununa sifarişə daxil ola bilər.

Qeyd edək ki, “Mirasol”la (1:1) görüşün sonunda Neymar dizində narahatlıq hiss edib. O, 35-ci turda “İnternasional”la (1:1) oyunu buraxıb.

“Santos” 35 turdan sonra 38 xalla Braziliya çempionatının turnir cədvəlində 17-ci yerdədir və hazırda düşmə zonasındadır. Komandanın mövsümün sonunadək daha üç oyunu qalıb.

2025-ci il mövsümündə Neymar 25 matçda 7 qol vurub və 3 məhsuldar ötürmə edib.