İdman

39 yaşlı Ramos Avropaya qayıdır

29 Noyabr 2025 16:56

Serxio Ramos DÇ-2026-da iştirak etmək niyyətindədir.

Publika.az xəbər verir ki, 39 yaşlı Ramos müqaviləsi başa çatdıqdan sonra “Monterrey”dən ayrılmağa hazırlaşır.

“El Chiringuito” yazır ki, müdafiəçi Meksika klubundan ayrılmağa hazır olsa da, karyerasını bitirmək niyyətində deyil. O, uyğun təklif almaq şərti ilə İspaniya və ya başqa bir Avropa klubunda oynamaq istəyir.

Qeyd olunur ki, Ramosun bu qərarına iki amil təsir edib: birincisi, onun ailəsi Pireney yarımadasında Meksikadan daha rahatdır, ikincisi, onun dünya çempionatında oynamaq istəyidir.

39 yaşlı futbolçu hesab edir ki, mütəmadi olaraq yüksək səviyyədə və üslubuna görə İspaniya çempionatına oxşar çempionatda oynasa, Avropa çempionlarının baş məşqçisi Luis de la Fuentenin diqqətini cəlb edə bilər.

Ramos sonuncu dəfə 2021-ci ildə İspaniya yığmasında çıxış edib.