İdman

Messi Hindistana gedir - Səbəbini açıqladı

29 Noyabr 2025 18:40

Lionel Messi rəsmi şəkildə bir neçə həftəyə Hindistanda «G.O.A.T India Tour 2025» adlı böyük tura yollanacağını təsdiqləyib.

Publika.az xəbər verir ki, bu barədə argentinalı superulduz “Instagram” səhifəsində məlumat verib.

Paylaşım dərhal hindistanlı azarkeşlər arasında böyük coşğu yaradıb.

Messinin sözlərinə görə, marşruta daha bir şəhər – Haydarabad əlavə olunub. O, əvvəlcədən açıqlanan Kalkutta, Mumbay və Delli ilə birlikdə turun dayanacaqlarından biri olacaq. Tur Messinin karyerasına və dünya futboluna təsirinə həsr olunan ictimai tədbirlərdən, fan-laynlardan və xüsusi proqramlardan ibarət olacaq. Tur 13–15 dekabr tarixlərini əhatə edəcək.

Messi azarkeşlərin sevgisinə görə təşəkkür edərək yazıb: “Təşəkkürlər, Hindistan! Tezliklə görüşərik!”.

Təşkilatçılar möhtəşəm şou vəd edir və turun azarkeşlərin bütün ömrü boyu xatırlayacağı bir tədbir olacağını bildirirlər. Gözlənilir ki, biletlər bir neçə saat ərzində tükənəcək.