İdman

Totti ulduz futbolçudan danışdı

30 Noyabr 2025 16:34

“Roma”nın keçmiş futbolçusu və kapitanı Françesko Totti komandanın oyunçusu Paulo Dibala haqda danışıb.

Publika.az xəbər verir ki, əfsanə onun mərkəz hücumçusu kimi çıxış edib-edə bilməyəcəyini dəyərləndirib:

“Dibala karyerasında irəliləyiş edib mənim kimi mərkəzi hücumçu ola bilərmi? Xeyr, bunun üçün lazımi xüsusiyyətləri yoxdur. Dibalanın buna uyğun fiziki göstəriciləri yoxdur. O, hücumameylli yarımmüdafiəçi kimi oynaya bilər, amma hücumun mərkəzində yox. Futbol baxımından bizim aramızda fərqlər çoxdur, yalnız texnika baxımından oxşarlıq var”.

Qeyd edək ki, bu mövsüm Dibala bütün turnirlərdə “Roma” ilə 10 oyuna çıxıb, 2 qol vurub və 1 məhsuldar ötürmə edib.