İdman

Bekhemin oğlu Ronaldoya cavab verdi - FOTO

30 Noyabr 2025 18:00

Devid Bekhemin oğlu Kruz portuqaliyalı ulduz Kriştiano Ronaldunun Pirs Morqana verdiyi müsahibədə səsləndirdiyi fikirlərə sərt reaksiya verib.

Publika.az xəbər verir ki, həmin müsahibədə “Əl-Nəsr”in futbolçusu Devid Bekhemin “gözəl siması olduğunu, amma bədəninin adi göründüyünü”, özünü isə “ideal” adlandırdığını deyib. O, hətta Kopakabana çimərliyində “diqqətin 100%-ni özünə cəlb edəcəyini” bildirib və Donald Trampdan daha məşhur olduğuna işarə edib.

Bu sözlər cavabsız qalmayıb. 20 yaşlı Kruz “Instagram”da kolaj paylaşıb. O, 2003-cü ildəki gənc Ronaldunun fotosu ilə atası Devidin həmin illərdəki görüntüsünü yanaşı qoyub və görüntü baxımından üstünlük açıq şəkildə Devid Bekhemin tərəfində olub. Paylaşım qısa müddətdə viral olub.

Qeyd olunur ki, 50 yaşı tamam olan Devid Bekhem hələ də gündəlik idmanla məşğuldur.