"Bayern"dən texnoloji inqilab: İlk klub oldu ki...

"Bayern" özünə məxsus süni intellekt platformasından istifadə etməyə başlayan ilk klub olub.

Publika.az xəbər verir ki, bu barədə "Welt" məlumat yayıb.

Klubun əməkdaşlarına iş məqsədilə "ChatGPT"dən istifadə qadağan edilib. Artıq Münhen klubunun daxili süni intellekt sistemi klubun müxtəlif sahələrində, xüsusilə hüquq şöbəsində və azarkeşlərlə işləmə xidməti daxil olmaqla tətbiq olunur.

Hazırda təxminən klubun ümumi işçi sayının üçdə bir hissəsi - 300 əməkdaş bu platformadan istifadə edir. Süni intellekt alətlərinin klubun bütün bölmələrinə inteqrasiyası üzərində iş davam edir.

"Bəzi süni intellekt platformalarından, məsələn "ChatGPT"dən istifadəni əməkdaşlar üçün qadağan etməyə başladıq. Bu, onların öz platformamızı istifadə etməsinə şərait yaratmaq üçündür. Üstəlik, bu, özəl bulud sistemi əsasında işləyir.

Düşünürdük ki, bu qərarla bağlı böyük narazılıq olacaq, amma belə olmadı. Əməkdaşlar bu çevik və sadə həll variantından razıdırlar", - deyə Münhendə keçirilən ISPO sərgisində "Bavariya"nın rəqəmsal fan əlaqələri üzrə rəhbəri Tomas Eşeman bildirib.

Heybət