İdman

Prosineçki Azərbaycana qayıtmaqdan imtina edib?

12 Dekabr 2025 10:14

Azərbaycan millisinin sabiq baş məşqçisi Robert Prosineçkinin yenidən ölkəmizdə çalışmaq variantı olub.

Publika.az xəbər verir ki, bu barədə Xorvatiya mətbuatı məlumat yayıb.

Konkret ad çəkilməsə də, 56 yaşlı mütəxəssisin Azərbaycan Premyer Liqası təmsilçilərindən birindən təklif aldığı vurğulanıb. Prosineçkinin Azərbaycanla yanaşı, başqa variantları da olub:

“Lakin hamısı klublar idi. Hətta bəzilərinin maliyyə şərtləri daha yüksək görünürdü. Lakin Prosineçki yenidən özünü milli komandada sınamaq qərarına gəldi. Bu səbəbdən o, Qırğızıstan Futbol İttifaqının 13 aylıq müqavilə təklifini qəbul edib. Razılığa əsasən, Qırğızıstan millisi Asiya Kuboku – 2027-də uğurlu çıxış etsə, müqavilə daha 3 illik uzadılacaq”.

Qeyd edək ki, 2014-2017-ci illərdə Azərbaycan millisini çalışdıran Robert Prosineçki həmçinin Bosniya və Herseqovina, Monteneqro yığmalarına da rəhbərlik edib.

Heybət