İdman

Azərbaycan Premyer Liqası: Vernidub debüt edəcək

15 Dekabr 2025 09:20

Bu gün Azərbaycan Premyer Liqasında 15-ci tura yekun vurulacaq.

Publika.az xəbər verir ki, son gündə 2 oyun baş tutacaq.

“İmişli” “Karvan-Yevlax”ı qəbul edəcək. Qubada keçiriləcək oyun saat 14:00-da başlayacaq.

Turun son qarşılaşması isə “Neftçi” ilə “Sumqayıt” arasında keçiriləcək. Saat 19:00-da başlayacaq bu görüş paytaxt klubunun yeni baş məşqçisi Yuri Vernidub üçün debüt xarakteri daşıyır.

Turun ötən günlərdə keçirilmiş oyunlarda “Şamaxı” “Zirə”yə (2:1), “Kəpəz” “Qəbələ”yə (1:0), “Qarabağ” isə “Araz-Naxçıvan”a (5:1) evdə qalib gəlib. “Turan Tovuz” isə azarkeşləri önündə “Sabah”a (1:3) uduzub.

Azərbaycan Premyer Liqası, 15-ci tur
15 dekabr

14:00 İmişli – Karvan-Yevlax
Hakimlər: Kamranbəy Rəhimov, Pərvin Talıbov, Zöhrab Abbasov, Vüqar Həsənli.
Quba OİK stadionu.

19:00 Neftçi – Sumqayıt
Hakimlər: Rauf Cabbarov, Elşad Abdullayev, Teymur Teymurov, İslam Məmmədov.
“Neftçi Arena”.

Heybət