İdman

Mbappe məşhur aktrisa ilə sevgilidir? - FOTOLAR

22 Dekabr 2025 14:30

Son həftələrdə sosial mediada “Real”ın hücumçusu Kilian Mbappe ilə portuqaliyalı aktrisa Daniela Melşior arasında mümkün münasibətlər barədə söz-söhbətlər aktiv müzakirə olunur.

Publika.az xəbər verir ki, Madrid klubunun 27 yaşlı hücumçusu aktrisanın "Instagram" hesabında fəallıq göstərib, xüsusilə 13 dekabrda “Anakonda” filminin yenidən təqdimatının qırmızı xalça görüntülərinə dair son paylaşımları bəyənib.

Buna baxmayaraq, Melşior son dəfə Mbappenin paylaşımlarına oktyabrın sonunda qarşılıq verib.

Həm futbolçu, həm də aktrisa söz-söhbətləri ictimai şəkildə şərh etməyiblər. Sentyabrda "L’Equipe"ə verdiyi müsahibədə Mbappe şəxsi həyatı barədə danışmayıb.

Daniela Melşior “Fast X” (2023) və “Suicide Squad” (2021) filmlərindəki rolları ilə tanınır. Aktrisanın “Mançester Siti”nin müdafiəçisi Ruben Diasla münasibətdə olduğu da iddia olunub, lakin bu söz-söhbətlər təsdiqlənməyib.

Publika.az