Məşhur futbolçu karyerasını bitirdi

Bosniya və Herseqovina millisinin yarımmüdafiəçisi Miralem Pyaniç 35 yaşında peşəkar futbolçu karyerasını başa vurmaq qərarına gəlib.

Publika.az xəbər verir ki, bu barədə insayder Nikolo Skira futbolçuya istinadən istinadən məlumat yayıb:

“Mən artıq oynamayacağam. Karyeramı bitirdim. Hazırda Dubayda yaşayıram və artıq futbolçu deyiləm, balaca oğlum üçün bir atayam. O, mənim əsas prioritetimdir”.

Pyaniçin son klubu Moskva ÇSKA-sı olub. O, 2024/25 mövsümünü Rusiya klubunda keçirib.

Bosniyalı yarımmüdafiəçi karyerası ərzində “Roma”, “Yuventus”, “Lion”, “Şarja”, “Mets”, “Barselona” və “Beşiktaş”ın da formasını geyinib. Onun hesabında 666 oyun, 77 qol və 132 məhsuldar ötürmə var.

Klub səviyyəsində Pyaniç dörd dəfə İtaliya A Seriyasının çempionu olub, iki dəfə İtaliya Kubokunu, bir dəfə isə Superkuboku qazanıb. “Şarja” ilə BƏƏ Kubokunu və ölkə çempionluğunu əldə edib. “Beşiktaş”la Türkiyə Superkubokunu, “Barselona” ilə isə İspaniya Kubokunu qazanıb.

Bosniya və Herseqovina millisinin heyətində Miralem Pjaniç 115 oyun keçirib, 17 qol vurub və 29 məhsuldar ötürmə edib. Millidə keçirdiyi oyunların sayına görə o, 146 matçla birinci olan Edin Dzekodan sonra ikinci yerdə qərarlaşıb.

Heybət