Noyer gələcəyi ilə bağlı bu tarixdə qərar verəcək

"Bayern"in qapıçısı Manuel Noyer gələcəyi barədə danışıb.

Publika.az xəbər verir ki, o, klubla müqavilənin uzadılması ehtimalı ilə bağlı fikirlərini bölüşüb.

“Özümü yaxşı hiss edirəm. Amma hələlik bir neçə ay gözləmək və vəziyyətin necə inkişaf edəcəyinə baxmaq istəyirəm. Məqsədim güclü oyun göstərməkdir. Martın sonu və ya apreldə qərar veriləcək. Həmin vaxta qədər neçə oyun keçirdiyimi və özümü necə hiss etdiyimi biləcəyəm. Tezliklə 40 yaşım tamam olacaq, buna görə də karyeramı tam əminliklə davam etdirə biləcəyimi düzgün dəyərləndirməliyəm. Klubla qarşılıqlı münasibətlər çox yaxşıdır. Davam edib-etməyəcəyimi zaman göstərəcək”, - deyə Noyerin "Sky Sport Germany"-yə bildirib.

Qeyd edək ki, Manuel Noyer 2011-ci ildə "Şalke"dən "Bayern"ə 30 milyon avro qarşılığında transfer olunub. Bu müddət ərzində o, klubun heyətində 581 oyuna çıxıb, 480 qol buraxıb və 271 matçda qapısını toxunulmaz saxlayıb. Qapıçının Münhen təmsilçisi ilə mövcud müqaviləsi 2026-cı ilin yayına qədər qüvvədədir, lakin onun uzadılması ilə bağlı danışıqlar hazırda dayandırılıb.

Heybət