Məşhur məşqçinin ürəyində problem yarandı

Rumıniya millisinin baş məşqçisi Mirça Luçeskunun səhhətində problemlər yaranıb.

Publika.az xəbər verir ki, bu barədə “Fanatik” məlumat yayıb, “OLAZO.ro” isə detalları əlavə edib.

Titullu məşqçinin ürək problemlərindən əziyyət çəkdiyi bildirilir. Vəziyyəti ilə əlaqədar olaraq, o, Antalyaya səfərini təxirə salıb. Orada 5 yanvarda başlaması planlaşdırılan Rumıniya klublarının təlim-məşq toplanışına nəzarət etməli idi.

Lakin “Fanatik” daha sonra əlavə edib ki, Luçeskunun vəziyyəti yaxşılaşıb və çox güman ki, 9 yanvar cümə günü FCSB (Styaua) ilə “Beşiktaş” arasında keçiriləcək oyun üçün Antalyaya gələxək.

“Əməliyyatım var, oyunlar və tətillər olduğu üçün bunu təxirə salırdım. Nə baş verdiyini görmək üçün bura gəlməyi düşünürdüm. İndi evə gedirəm ki, bunu necə təşkil edə biləcəyimi müəyyənləşdirim və mümkün qədər tez sağalım”, – Luçesku deyib.

Luçesku klub futbolundakı uzun və uğurlu karyerasından sonra 2025-ci ildə Rumıniya milli komandasına rəhbərlik etməyə başlayıb.