İdman

İki klub Keynə elçi düşdü: Bu məbləğ ödənsə...

10 Fevral 2026 12:46

“Bayern”in ingilis hücumçusu Harri Keyn Səudiyyə Ərəbistanı klublarının maraq dairəsinə düşüb.

Publika.az xəbər verir ki, bu barədə "Kikker" nəşri məlumat yayıb.

Mənbənin bildirdiyinə görə, futbolçu ilə maraqlanan potensial klublar arasında krallığın aparıcı komandaları - “Əl-Əhli” və “Əl-İttihad” da var.

Qeyd olunur ki, Almaniya klubunun rəhbərliyi hücumçunu heyətdə saxlamaqda qərarlıdır, lakin müqavilədə nəzərdə tutulan 70 milyon avroluq sərbəstqalma maddəsi var. Bu da Keynə klubu tərk etmək niyyəti barədə rəhbərliyi rəsmi şəkildə məlumatlandırmaq hüququ verir.

Cari mövsümdə Keyn “Bayern”in heyətində bütün turnirlərdə 35 matça çıxaraq 38 qol vurub. İngilis futbolçunun Münhen təmsilçisi ilə mövcud müqaviləsi 2027-ci ilin yayına qədər qüvvədədir. "Transfermarkt" portalının məlumatına görə, oyunçunun təxmini bazar dəyəri 65 milyon avrodur.

Heybət