İdman

Luçeskunun son durumu açıqlandı: İkinci dəfə infarkt keçirib?

4 Aprel 2026 03:19

Mirça Luçeskunun müalicə aldığı xəstəxananın direktoru Katlin Kırstoyu 80 yaşlı məşqçinin hazırkı vəziyyəti barədə danışıb.

Luçesku Rumıniya milli komandasının məşqi zamanı özünü pis hiss etdikdən sonra xəstəxanaya yerləşdirilib.

Publika.az xəbər verir ki, xəstəxananın mətbuat açıqlamasına görə, o, kəskin miokard infarktı keçirib. Məşqçinin ikinci dəfə infarkt keçirə biləcəyi bildirilib .

“Mirça Luçesku xəstəxanadan çıxmazdan əvvəl, hər bir xəstədə olduğu kimi, standart testlərdən keçdi. Həkimlər onun qan təzyiqinin çox aşağı olduğunu görüb EKQ etmək qərarına gəldilər. Daha sonra infarktın inkişaf etdiyi məlum oldu. Bu zaman dərhal müdaxilə edildi və infarkt baş versə də, xəstənin vəziyyəti sabitləşdi.

İkinci dəfə infarkt olmayıb. Buna görə də xəstənin şüurlu və stabil vəziyyətdə olduğunu aydınlaşdırmaq üçün əlavə bir açıqlama verdik. Yeni məlumatlar ortaya çıxarsa, bunu ictimaiyyətə açıqlayacağıq”, – deyə Kırstoyu bildirib.